حنين البعاد

صوتك اجنن زعيمنا الفصيح 

حملتك امانه فى قلبى الجريح

بصون العهود فى زمن الوحيح

عبيرك اسكر شيخ المديح

شفايفك تقطر شهدا مريح 

عيونك تودر وتشعل فحيح 

قوامك يعادل نخيل الضريح

عوالمك جميله وقلبك فسيح 

وطيبتك تحير ديانه المسيح

لانك اميره وعشقك صريح 

وبعدك بيلهب مشاعر الجريح

وفى كندا المقام وطنك فسيح 

وبعد المسافه بيشغل صحيح 

بتوقع الامسك واشوفك وبيح 

بحبا كتمتو فى قلبى الجريح

صوتك بذكر روايع المديح 

غموضك بذيد لهيب النصيح

عواطفك تسكر المسالم صحيح 

لانك اميره ومكانك مريح 

سكنتى الفواد وشلتى المفاتيح

ممكن سؤال متين استريح

يا قمريه

ياقمريه
ليه بتعاتبى ياقمريه ليه ماتسالى مين الظالم والمظلوم
ليه ماتعرفى ايه الحاصل بس انا جاى احكيلك
بكل صراحه ليه متغرب وكلى هموم
وليه بتطالبى الرجعه سريع
دون ماتعرفى ايه الحاصل بس انا زول مظلوم
ومن حقى احكيلك كل الحاصل
وتانى احكمى وختى اللوم
انا زول متواضع فى الاحلام زى اى انسان فى وطنو عزيز
بتوقع اعيش فى وطنو كريم مرفوع الراس
ينعم بكل خدمات الصحه والتعليم
ويبنيلو اساس لى اسره صغيره من دون ما يهبش حق الناس
بس دة الاحساس لكن للاسف القصه عصيه
فيها مراره والف سوال مدفون طوريه
واناجاى احكيلك ياقمريه فى قويزنا هناك دى ارض جعليه
فى جزيره ام جر بطلع فجريه
على الحواشه مع البقرات وبراجع من كراسى قصايد وكل السور القرانيه
وجداول الضرب الباقيه عزاب فى التسميع القصه بليه
بين زملاك تنشد تكورك ضرب استاذ تعليمو قضيه
اعود للبيت والبس من تانى والحق باقى الصبيه
والطابور والجرس ان دقه بتبقى حكايتك انت عصيه
اﻻ هناك قدامنا مدير كل مشكلتو قروش طبشير
وباقى رسوم متاخره فيا واناجاى احكيلك ياقمريه
وانا جاى احكيلك ياقمريه
كل ما رجع حالتى زمان القى القصه بتطعن فيا
والايام معادت تستر فكر الشاب العندو قضيه
دخلت الجيش وانا لسه صغير يادابى مكمل ابتدايئه
قلت الحال ممكن يتصلح والقى طريق والحاله رديه
اﻻ الجيش ماحله الشبكه بل ذاد الطين سرساق الميه
وبقت الطير تحن فى حالى نصا تعليم ونصا جنديا
اكملت الثانوى بين نارين نار التعليم
الحارقه الجوف ونارا تانيه مع الجنديه
وبقيت اتامل ها التربال ايد فى الواسوق وايد فى الطوريه
وجيت العاصمه اترغب اعلان لنتايج فوريا
والناس اتلمت منكبه اوﻻد وبنات الداخليه
وبقيت ابحث فى ها اللمه عن اسمى فى قوايم مبنيه
لكنى تعبت من التفتيش اﻻ هناك بنيه هديه رضيه
ندهت ليه ياقمري اسمك فى قانون النيلين
الحمدلله فرجت ياداب دى اغلى هديه
من وين فى الاهل ات يابنيه من بربر فى الحق جعليه
انشاءالله اسمك لقيتهو معاى
ﻻ انا بدرس طب بس جاى اكوس اسما لقريبتا لىا
وحاليا وين انتى بتسكنى انا بسكن هنا فى الداخليه
على اىتو حال متشكر جدا واتمنى اشوفك يابنيه
ورجعته البيت من الفرحه باقيلى اطير ياقمريه
ا ﻻ الاقدار كانت تعرف كل الاحول
الرجيانى اكيداصعب هيا
ودخلت الجامعه كانى مدير مليان بعزه افنديا
اﻻ الناس فى الجامعه هناك مدوشه وكلها ملهيه
ناس فى الاركان بتنبزو عديل واحيانا اضربو بعصيا
وناس متلمه على الكافتريا كلام معسول فاقدلو بخور
والحاله تعم والجامعه تلم جلساتا ظاهره وجلسات مخفيه
ونساتا ظاهره ونسات سريه
وحسين فهمى هناك اعج لى حدو طلاب ريفيه
كيف شفتى الحال ياقمريه
وعند الباب ناس سامى يفتشوا فى الداخلين
ممنوع تدخل لى الكليه
من دون ماتبرز اوراق رسميه
اما بطاقه واما ايصال مختوم من قسم الماليه
وعاد الراس ماعاد يستحمل كيف الحل فى رسوم بالميه
ﻻهو وزير انا طالع ابوى وﻻهو مدير عند الداخليه
وكيف اتصرف وادفع كل رسوم الجامعه
واجيب الكتب الناقصه عليا
ا وكل اسبوع عاوزلى ملابس اغير بيها وكل مايوم عاوز اترحل
دى قصه مشبكه حتفوت بيا وانا جايى احكيلك ياقمريه
وغادرته من الكليه مهرول والراس مشطوب والبال مهموم
من وين ادبر كل ها المال وانا اى الخلانى اجى الخرطوم
كان احسنلى هناك فى بلدنا ادرس خلوة واضرب النوم
ومن الخرطوم ﻻعند البيت رجعت كدارى ولماعارفين ام بده عموم
وصلته هناك والقلب اتفجر لهب الغضب الكلو سموم
كيف الحل يابوى والقصه فيها اموﻻ تحمى النوم
ﻻهناك عند حاج الريح فكر يوازن نصف الكون
ياولدىاتغده واتوضا وقوماك نصلى وانسى هموم
ومن بكره معاى تدخل للسوق
واوعى تحاول تستسلم الحرب ياداب قايماﻻ بروق
وعزمته خلاص من كل قلبى اتوكل وانزل من فوق
وارفع كل اثغال الدنيا عشان ماكمل علم خلوق
ومشيت سوق ليبيا واريت الدنيا تفور وتروق
وبديت اتامل حال السوق
واحدين باجهزه خربانه واقفين لدقسه المخلوق
وكميه ملابس مردومه مرحله ماشه ام دافوق
وتجار فى المطعم اتلموا وصوتا واصل اخر السوق
تسعين فى الميه طلاق فاشل وكل من يحلف هو الخازوق
وتشمرته فى نص اليوم وبديته عتلاله مرات بلعرفه ومرات زنديه
واليوم التالى من الفجريه
اوزع كل جرايد السوق واعود للمكتبه فى الضهريه
وترفعته مشيت لى فوق اجر درداقه ابيع المويه
وكركب بالكيزان فى ايديا
ومرات محجوز فوق البلديه زى مجرم هارب راجياهو قضيه
بس اعمل ايه ياقمريه
مجبور اكمل تعليمى والجامعه صعيبه على الفقراء
والحكومه فى حربها ملهيه
والجو فى ديكى الايام الكل غرقان فى شبر ميه
والعاوز الجامعه ياصديقتى ﻻبد من خدمه وطنيه
وانا كنت محتار مابين الموت والموت
فخترتا الموت فى العلم احسن ليا
واكملته الجامعه فى هالحال
وعرفته قواعد اللعب الصاح وملكته سلاح
وعزمته اغير كل هالحال والئاس محال
واصلته العمل الشاق فى حال بترولنا محدر واصل القيف
والنيل يجرى شاقى المليون كل صيف وخريف
ودهب متفجر فى الجبال فاقد تنضيف
وقمحنا مخدر فى الوديان فاقد تستيف
وجمالنا نصدر فى كل عام ماﻻقيه حريف
وفواكه نزرع وتحجر مافيش تكيف
وانا ليه ماازعل ياقمريه وطن من خيرو الذهن يقيف
عن التفكير وانا ليه ماازعل تلاته سنين خريج ونضيف
من حق الشاى انا ليه ماازعل ياقمريه
لكنى خلاص قررته اهاجر وترك كل جروفى وراى
واترك نيلو واترك حزنى الظله معاى
اترك عزى واترك وطنا بفخر بيهو دوام
ممكن تانى الحال يتصلح وارجع لى طيرى الهداى
وارجع تانى اعانق النيل والقى بعانخى وعلى دينار
والقى المهدى فى جبال كررى
وازهرى يرفع علم العزه وبشيرنا البيهو دوام نستعزه
وتبقى احلامى تلاقى غناى
واترك دار الغربه وارجع لى نيلى وعشقى البكاى
اما الان كل اوراق قضيتى امامك ياقمريه
انتى احكمى وصفى النيه
ارفعى صوتك واصدرى حكمك مين الظالم والمظلوم
الهاجر تارك نيلو وراهو وﻻ التانى الساكن فيا
ولو قطر الدم من ايدى يكتب اه
ياوطنى المستوطن فياو اه ياوطنى المسوطن فيا
واصدرى حكمك ياقمريه
مع خالص التحايا عوض الكريم الطاهر

يا قمريه الجزء الاول

ياقمريه
ليه بتعاتبى ياقمريه ليه ماتسالى مين الظالم والمظلوم ليه ماتعرفى ايه الحاصل بس انا جاى احكيلك بكل صراحه ليه متغرب وكلى هموم وليه بتطالبى الرجعه سريع دون ماتعرفى ايه الحاصل بس انا زول مظلوم ومن حقى احكيلك كل الحاصل وتانى احكمى وختى اللوم انا زول متواضع فى الاحلام زى اى انسان فى وطنو عزيز بتوقع اعيش فى وطنو كريم مرفوع الراس ينعم بكل خدمات الصحه والتعليم ويبنيلو اساس لى اسره صغيره من دون ما يهبش حق الناس بس دة الاحساس لكن للاسف القصه عصيه فيها مراره والف سوال مدفون طوريه واناجاى احكيلك ياقمريه فى قويزنا هناك دى ارض جعليه فى جزيره ام جر بطلع فجريه على الحواشه مع البقرات وبراجع من كراسى قصايد وكل السور القرانيه وجداول الضرب الباقيه عزاب فى التسميع القصه بليه بين زملاك تنشد تكورك ضرب استاذ تعليمو قضيه اعود للبيت والبس من تانى والحق باقى الصبيه والطابور والجرس ان دقه بتبقى حكايتك انت عصيه اﻻ هناك قدامنا مدير كل مشكلتو قروش طبشير وباقى رسوم متاخره فيا واناجاى احكيلك ياقمريه وانا جاى احكيلك ياقمريه كل ما رجع حالتى زمان القى القصه بتطعن فيا والايام معادت تستر فكر الشاب العندو قضيه دخلت الجيش وانا لسه صغير يادابى مكمل ابتدايئه قلت الحال ممكن يتصلح والقى طريق والحاله رديه اﻻ الجيش ماحله الشبكه بل ذاد الطين سرساق الميه وبقت الطير تحن فى حالى نصا تعليم ونصا جنديا اكملت الثانوى بين نارين نار التعليم الحارقه الجوف ونارا تانيه مع الجنديه وبقيت اتامل ها التربال ايد فى الواسوق وايد فى الطوريه وجيت العاصمه اترغب اعلان لنتايج فوريا والناس اتلمت منكبه اوﻻد وبنات الداخليه وبقيت ابحث فى ها اللمه عن اسمى فى قوايم مبنيه لكنى تعبت من التفتيش اﻻ هناك بنيه هديه رضيه ندهت ليه ياقمريه اسمك فى قانون النيلين الحمدلله فرجت ياداب دى اغلى هديه من وين فى الاهل ات يابنيه من بربر فى الحق جعليه انشاءالله اسمك لقيتهو معاى ﻻ انا بدرس طب بس جاى اكوس اسما لقريبتا لى وحاليا وين انتى بتسكنى انا بسكن هنا فى الداخليه على اىتو حال متشكر جدا واتمنى اشوفك يابنيه ورجعته البيت من الفرحه باقيلى اطير ياقمريه ا ﻻ الاقدار كانت تعرف كل الاحول الرجيانى اكيداصعب هيا ودخلت الجامعه كانى مدير مليان بعزه افنديا اﻻ الناس فى الجامعه هناك مدوشه وكلها ملهيه ناس فى الاركان بتنبزو عديل واحيانا اضربو بعصيا وناس متلمه على الكافتريا كلام معسول فاقدلو بخور والحاله تعم والجامعه تلم جلساتا ظاهره وجلسات مخفيه ونساتا ظاهره ونسات سريه وحسين فهمى هناك اعج لى حدو طلاب ريفيه كيف شفتى الحال ياقمريه وعند الباب ناس سامى يفتشوا فى الداخلين ممنوع تدخل لى الكليه من دون ماتبرز اوراق رسميه اما بطاقه واما ايصال مختوم من قسم الماليه وعاد الراس ماعاد يستحمل كيف الحل فى رسوم بالميه ﻻهو وزير انا طالع ابوى وﻻهو مدير عند الداخليه وكيف اتصرف وادفع كل رسوم الجامعه واجيب الكتب الناقصه عليا وكل اسبوع عاوزلى ملابس اغير بيها وكل مايوم عاوز اترحل دى قصه مشبكه حتفوت بيا وانا جايى احكيلك ياقمريه وغادرته من الكليه مهرول والراس مشطوب والبال مهموم من وين ادبر كل ها المال وانا اى الخلانى اجى الخرطوم كان احسنلى هناك فى بلدنا ادرس خلوة واضرب النوم ومن الخرطوم ﻻعند البيت رجعت كدارى ولماعارفين ام بده عموم وصلته هناك والقلب اتفجر لهب الغضب الكلو سموم كيف الحل يابوى والقصه فيها اموﻻ تحمى النوم ﻻهناك عند حاج الريح فكر يوازن نصف الكون ياولدىاتغده واتوضا وقوماك نصلى وانسى هموم ومن بكره معاى تدخل لسوق واوعى تحاول تستسلم الحرب ياداب قايماﻻ بروق وعزمته خلاص من كل قلبى اتوكل وانزل من فوق وارفع كل اثغال الدنيا عشان ماكمل علم خلوق ومشيت سوق ليبيا واريت الدنيا تفور وتروق وبديت اتامل حال السوق واحدين باجهزه خربانه واقفين لدقسه المخلوق وكميه ملابس مردومه مرحله ماشه ام دافوق وتجار فى المطعم اتلموا وصوتا واصل اخر السوق تسعين فى الميه طلاق فاشل وكل من يحلف هو الخازوق وتشمرته فى نص اليوم وبديته عتلاله مرات بلعرفه ومرات زنديه واليوم التالى من الفجريه اوزع كل جرايد السوق واعود للمكتبه فى الضهريه وترفعته مشيت لى فوق اجر درداقه ابيع المويه وكركب بالكيزان فى ايديا ومرات محجوز فوق البلديه زى مجرم هارب راجياهو قضيه بس اعمل ايه ياقمريه مجبور اكمل تعليمى والجامعه صعيبه على الفقراء والحكومه فى حربها ملهيه والجو فى ديكى الايام الكل غرقان فى شبر ميه والعاوز الجامعه ياصديقتى ﻻبد من خدمه وطنيه وانا كنت محتار مابين الموت والموت فخترتا الموت فى العلم احسن ليا واكملته الجامعه فى هالحال وعرفته قواعد اللعب الصاح وملكته سلاح وعزمته اغير كل هالحال والئاس محال واصلته العمل الشاق فى حال بترولنا محدر واصل القيف والنيل يجرى شاقى المليون كل صيف وخريف ودهب متفجر فى الجبال فاقد تنضيف وقمحنا مخدر فى الوديان فاقد تستيف وجمالنا نصدر فى كل عام ماﻻقيه حريف وفواكه نزرع وتحجر مافيش تكيف وانا ليه ماازعل ياقمريه وطن من خيرو الذهن يقيف عن التفكير وانا ليه ماازعل تلاته سنين خريج ونضيف من حق الشاى انا ليه ماازعل ياقمريه لكنى خلاص قررته اهاجر وترك كل جروفى وراى واترك نيلو واترك حزنى الظله معاى اترك عزى واترك وطنا بفخر بيهو دوام ممكن تانى الحال يتصلح وارجع لى طيرى الهداى وارجع تانى اعانق النيل والقى بعانخى وعلى دينار والقى المهدى فى جبال كررى وازهرى يرفع علم العزه وبشيرنا البيهو دوام نستعزه وتبقى احلامى تلاقى غناى واترك دار الغربه وارجع لى نيلى وعشقى البكاى اما الان كل اوراق قضيتى امامك ياقمريه انتى احكمى وصفى النيه ارفعى صوتك واصدرى حكمك مين الظالم والمظلوم الهاجر تارك نيلو وراهو وﻻ التانى الساكن فيا ولو قطر الدم من ايدى يكتب اه ياوطنى المستوطن فياو اه ياوطنى المسوطن فيا واصدرى حكمك ياقمريه

ياقمارى

ياقمارى 15
للشاعر عوض الكريم الطاهر مبارك
يله طيرن ياقمارى وصلن منى الوصيه
لكل اطراف التفاوض وزكريهم بالقضيه
وقولى ليهم انغزو البلد اللهالكه فى غياهب البندقيه
الوطن فوق كل منيه والسلام غايه البقيه
عودوا للسودان جميعا فى ضحى الشمس الدفيه

ويله يابطالنا اصحوا وعيدوا للسودان مكانتو الحصينه
ويله ياقمريه قوقى فرحى البلد الحزينه
تبقى للاسلام مناره وتبقى للعرب الامينه
والوطن يسع الجميع خيراتنا مليانا الخزينه
بالبناء والتعمير نواكب طفره الامم الحسينه

ويله طيرن ياقمارى *** وزعن منشورى ديه
لكل قايد فى السياسه وكل رجال العسكريه
وكل مجاهد فى الثغور ولكل طلاب القضيه
ولكل مراءه قويه واقفه لرفعت البلد العصيه
خبريهم وقولى ليهم البلد عايز سلام ماهو عايز البندقيه
والصدور خلوها واسعه والسلام غايه البقيه

ويله طيرن ياقمارى *** ارفعن هذى الاشاره
لكل وطنى فى ديارو وفى المداين والضواحى وحله حله وحاره حاره
وقولى ليهم ابقو للاسلام مناره وابقوا للحريه داره
وابقوا للاجيال شعاره وابقوا لى فقهانا مرسى واستشاره
وابقوا للعالم قياده وابقوا للعرب الاماره
ويله ياقمريه قوقى فرحى البلد الحزينه
تبقى للاسلام مناره وتبقى للعالم رتينه
ويله طيرن ياقمارى ويله طيرن ياقمارى
15\8\2003م

اخر رساله

اخر رساله 11
2001-8-23 للاستاذ عوض الكريم الطاهر

اخر رساله ولا كفى ياغاليه احسن نوصفاء
منك رساله مظرفه وصلتنى فى لحظه صفاء
هزت دواخلى با قتدار ومشاعرى صبحت راجفاء
عزرا حبيبتى انا لست غادرا ولا اهوى ايام الجفاء
عزرا حبيبتى وقد سقيتك من الحنان و الوفاء
وستعلمين عزيزتى ان الصدق فى داخلى اكتفاء
وستعلمين عزيزتى انى امين على المشاعر العاصفاء

اخر رساله وما كفاء ويا غاليه احسن نوصفاء
لو العوازل غيروك وجرحوا المحاسن والصفاء
واختارو ليك فرق الحبيب ونزيف جرح من غير شفاء
احسن توافقى على الشروط لى زول عطش خاف الجفاء
يلاك عجلى بالرحيل وبريق عيونك اختفاء
ما حرك احساس الامل والخطه دايما كاشفا ء

اخر رساله بلا امل ياغاليه منك ما كفاء
احسست ايضا بالرحيل لكن رايتك خايفاء
احسن اخليك تبتدى واكمل لحيظات الوفاء
غادرت وطنك ياعزيزه جبر اليمين يا عارفاء
ياريت تفيقى من المعاك وتكشفى الخاين الاختفاء
وتعودى لى وطنك عزيزه والحب دليلك وبالاخلاص متشرفاء
والسكه لسه مانتهت والقلب لسه ماكتفاء
الخميس-23-8-2001م

ردود على الفيس بوك

مابنابهو السهر بين الرفاق ياصديق
النمه الحنين بيهو الصدر مابضيق
والولف الشديد بين البنات هو معيق
الا ولف الشباب تلقاهو يوم الضيق
38 minutes ago · أعجبني · · إلغاء الاشتراك

عوض الكريم الطاهر
حباب اسد الغبش همباتى انت حقيقه
تنهب فى العقول مالقينا اى طريقه
النمه الرصين مالكو شايلو ا طبيقه
نتعب بى وراك وانت كالعاده هادى طبيعه
39 minutes ago · أعجبني · · إلغاء الاشتراك

عوض الكريم الطاهر
يابكرى اخوى النمه فيها دوانا
الداير الوداد والصدق يعنانا
والكايس اللعب والباقى داك يحوانا
نحنا الصديق نفداهو قبل جنانا
39 minutes ago · أعجبني · · إلغاء الاشتراك

عوض الكريم الطاهر
اسياد الحروف والسهر والعفه
اولاد البلد الحامله رايه العرفه
معروفين دوما اسودا قاطعه النفه
والهمباتى داك نمرا بعدى اللفه
40 minutes ago · أعجبني · · إلغاء الاشتراك

عوض الكريم الطاهر
برق القبلى رفة وعكس النسيم بقبالى
يالسمحة ام عجن انسى الحزن لا تبالى
انشاءالله الفرح جواكى ديمة يلالى
والساكن الفواد اسلم ويبقى مثالى
55 minutes ago · أعجبني · · إلغاء الاشتراك

عوض الكريم الطاهر
تسلم ابو البشير انشاء الله خير اذيد
والقايد المحنك ود اصول صنديد
بترولنا الحقيقى انسانا بالتحديد
العز والشموخ والثمتة يوم العيد
57 minutes ago · أعجبني · · إلغاء الاشتراك

عوض الكريم الطاهر
ياحليل البلد ياحليل شمالو وغربو
ياحليل الجنوب والجبال فى شرقو
يالساسة الكبار بسرعة قوموانكربو
الحقو لى للبلد قبال اوكامبو يخربو
58 minutes ago · أعجبني · · إلغاء الاشتراك

عوض الكريم الطاهر
وين السادة فى الحسان الاولى
وين الضامرة العاقلة مامبهولى
وين ست اللهيج والبسمة العسولى
وين الغايبة من مسدارنا وهى المسؤلى
منذ حوالي ساعة · أعجبني · · إلغاء الاشتراك

عوض الكريم الطاهر
اليوم البلد رفعت شعار الوحدة الطوعية
والساكن شرق والساكن الغربية
والساكن شمال والساكن الجنوبية
واحد فى البلد بثقافة سودانية
والبيتو فلة والبيتو من قطية
بتجمعهم حضارة راسخة والعمة سودانية
منذ حوالي ساعة · أعجبني · · إلغاء الاشتراك

عوض الكريم الطاهر
خشيت المطار لاقانى البجيب الحمى
نسيت ابو طة وقلبى انكمش ونزمى
ياراحم الخلوق اشفى من هذة الغمى
ارجع طيب من المردف وشايل الزوق والهمى
منذ حوالي ساعة · أعجبني · · إلغاء الاشتراك

عوض الكريم الطاهر
ضليت مع الاشواق سنين فكرتة ارجع للوطن
عانيت امرين العذاب مالقيت رفيق ساعة المحن
سارعتة فى البعد السراب وذداد صدى الغربة الشجن
لا عتة لى احضان هواى لا عدتة لى ارض الوطن
منذ حوالي ساعة · أعجبني · · إلغاء الاشتراك

عوض الكريم الطاهر
حبابك يالاصم يالمابحدثوك بالجود
حباب اهلى الحنان والكلمة ليها عهود
ودجابر حبابك سيدالبلد والفود
تسلم يالخزين للحارة ليك بنعود
منذ حوالي ساعة · أعجبني · · إلغاء الاشتراك

عوض الكريم الطاهر
صباحك يابلد ابيض منور ضيى
صباح النيل والابنوس ومن قال حى
صباح الخلوه والتقابه والدعا لى
صباح لكل دم سودانى وين ما لاح فوق الضى
منذ حوالي ساعة · أعجبني · · إلغاء الاشتراك

عوض الكريم الطاهر
يالسودانى الماسك المنصب لوكنت قفير او كنت مدير
حاول دايما انجز عملك وسيب الونسه وشغل الغير
حال الشعب النفسو قصير ما برضالك بالتاخير
منذ حوالي ساعة · أعجبني · · إلغاء الاشتراك

عوض الكريم الطاهر
لماتغفى علي ضفايرك يختفىى القمر النهار
ولماتبسمى بين شفايفك يطلع البرق المدار
ونظرة من عينيك تعمل الف حادث ياكنار
ياواحه فى عزالسموم تلهمى الرجل القرار
منذ حوالي ساعة · أعجبني · · إلغاء الاشتراك

عوض الكريم الطاهر
هاناس الدوام شلانى فاتنى السوق
وتفرقت الخلوق ماوجدته اى مخلوق
والعربيه سرقت وحالى ذى صعلوق
بس التحايا لكل شباب السوق
وبكرى والهمباتى اخوى نجضوا المحروق
منذ حوالي ساعة · أعجبني · · إلغاء الاشتراك

عوض الكريم الطاهر
وين البضوى الغرفه دون مصباح
وين الخدو ابيض من جنى التفاح
وين بت التلوب النايبو ا دايما صاح
وين هدى الاصيله الذى عنبه الفلاح
2 hours ago · أعجبني · · إلغاء الاشتراك

عوض الكريم الطاهر
بت النيل سلام يابت عزاز القوم
تفخر بيك بنات الباديه والخرطوم
يابت الاصول الخاتيه من اللوم
ات ست الكرم قبل الاسود ه تنوم
2 hours ago · أعجبني · · إلغاء الاشتراك

عوض الكريم الطاهر
قبل ما اقول سلام بدور اقول اهلين
بالقمر المنور فى سماء النيلين
قبال الشكر والرحله فى التدوين
بقريك السلام من دوحه الياسمين
2 hours ago · أعجبني · · إلغاء الاشتراك

عوض الكريم الطاهر
بسم الله سلام اولاد كرام القوم
جبال الدهب فى البودى تعوم
اسياد الكرم والسمته والمعدوم
اولاد الوطن فى الباديه والخرطوم
2 hours ago · أعجبني · · إلغاء الاشتراك

عوض الكريم الطاهر
لما الحب يكون مصنوع
ولما الشاب يكون مخدوع
ولما البت بين عشره شباب جاريه تموع
ايه الفايده من بنيان مطفيه شموع
2 hours ago · أعجبني · · إلغاء الاشتراك

عوض الكريم الطاهر
عد الشوق كتير تانى الجرح نزاف
وبعد الحب اصيل خايف العيون تنشاف
وبعد الانبساطه تعود ليالى نشاف
ويصبح الجفا عنون قلوب هى نضاف
2 hours ago · أعجبني · · إلغاء الاشتراك

عوض الكريم الطاهر
ان قدلت ملاك فيها الخصال متروكه
وان بسمت برق القبلى العى مبروكه
وان نظرت جميع من شافه هبر فى شروكه
تسلم من كلام الناس وهى المبروكه
2 hours ago · أعجبني · · إلغاء الاشتراك

عوض الكريم الطاهر
حباب الاصم فارس ام نحاسا عوى
حباب الدخرى فى ارض المحارم سوى
يوم الناس تضج ثابتا اردم الهوى
تسلم يالهميم من كل مكايد حواى
2 hours ago · أعجبني · · إلغاء الاشتراك

عوض الكريم الطاهر
وفارس الحروف ود التجانى المك
من ارض الجزيره كشف العليهو الرك
اوفى لى المعانى وذاد من غير شك
مجرب من قديم لى عدوهو دايما دك
2 hours ago · أعجبني · · إلغاء الاشتراك

عوض الكريم الطاهر
ابراهيم اخوى والله جبت اسرار
من ود التجانى الفارس المغوار
كرسى الاحتراف الليله موقد نار
كشف لى المدفن جوه المخازن زار
2 hours ago · أعجبني · · إلغاء الاشتراك

عوض الكريم الطاهر
حكام الكوره مش حكام البلد
ادرس العنوان انت ياولد
خلينا فى الكفر مادايرين نكد
يحيا الزعيم وسيد البلد
2 hours ago · أعجبني · · إلغاء الاشتراك

عوض الكريم الطاهر
الشعب يريد تغيير الحكام الشعب يريد فرض النظام
الشعب يعيد المجد والاحلام للكوره والجمهور واستادات تمام
بقياده الزعيم الكوره فى الامام لقياده العرب وافريقيا بنتظام
2 hours ago · أعجبني · · إلغاء الاشتراك

عوض الكريم الطاهر
قرارك سارى ابو الصديق يمين ماعيقو
والزول النزل فى البيت ضيف يجد ترحيبو
والكوره معروفه يوما ليك ويوما تشوف تخريبو
والعندوا الفهم حرم بيلقى طريقوا
2 hours ago · أعجبني · · إلغاء الاشتراك

عوض الكريم الطاهر
ابو الصديق سلام ياود كرام القوم
انشاء الله الفرح مايفوت ديارك يوم
للضيفان دوما سالخ تقوم مهموم
ودعز الاهل الباديه والخرطوم
2 hours ago · أعجبني · · إلغاء الاشتراك

عوض الكريم الطاهر
اليوم الزعيم كشر مرق لى انيابو
وسكواها الحريف شبك المعز قدابو
المريخ قدل فى الساحه ماتتقابو
وابوالهل اختفاء وعقبان فقد لى شبابو
2 hours ago · أعجبني · · إلغاء الاشتراك

عوض الكريم الطاهر
وفوزنا على الهلال مافيهو تانى جديد
ومعروف الزعيم كان من زمان صنديد
التاريخ مسجل وكل كرامت عيد
قبل الناس تضحى نحنا الخروف فى الايد
2 hours ago · أعجبني · · إلغاء الاشتراك

عوض الكريم الطاهر
فرسان الحروف حرم حبابكم عشره
ابعدنى الدوام من نمكم والعشره
مقالبت الفحول فوق الحسان ماقشره
امجدوا حسنهن والبايره تطلع كشره
2 hours ago · أعجبني · · إلغاء الاشتراك

عوض الكريم الطاهر
من صدر القمر مرقت تضوى الساحه
ومن صدر الغزال فاحت رياح تفاحه
ومن ضل الهجير كالت عيونا سماحه
سكنت فى الشرايين وطلعو الغلابه قماحه
2 hours ago · أعجبني · · إلغاء الاشتراك

عوض الكريم الطاهر
القمرى العكل فوق العيوش ما بنوم
والسقد البرك وعيونو حاميه النوم
مابحاكينى يالسمانى فارس القوم
الداخل الفواد اتفجر ودشر هاليوم
خلى الناس تعزى وانا من زمان مسموم
الا الحال العلى رب العباد داريها عموم
من كتر السهر والشوق للخرطوم
والنيل الطمح عبر الدويم معدوم
انا سالو الاله ارحمنى من اللوم
ويجمعنى بالعذبنى وحمانى النوم
2 hours ago · أعجبني · · إلغاء الاشتراك

عوض الكريم الطاهر
الساكن الفواد مابدور اكوسو عليهو
والداخل الشرايئن وديمه سابح فيهو
دايما فى الوجود ظاهر تلامس تيهو
يالجيلى الحبيب مهما بعد طاريهو
اندهو سرعه ارفع ليك تمام باكيهو
2 hours ago · أعجبني · · إلغاء الاشتراك

عوض الكريم الطاهر
اليوم التلوب للجبنه سوى لدايه
والهمباتى اخوى تب عدمه الصفايه
فى دار بكرى ديك كانت النفوس هدايه
وا حظى السجم الديمه فايت التايه
2 hours ago · أعجبني · · إلغاء الاشتراك

عوض الكريم الطاهر
عديت فى الشيوخ بعد الالف تلاتين
وندهت البنايه والماتو والحيين
يالصلاح عموم اهل العلم والدين
تلمونى فى الخدو ينور البحرين
2 hours ago · أعجبني · · إلغاء الاشتراك

عوض الكريم الطاهر
اليوم الزعيم ضرب الافارقه عموم
وناس انتركلوب بى مرجيحه فى الخرطوم
فارقو الابطال بقرار العجب العجيب محتوم
ياهل الحساب عدولى كم الدخلو فوق الكوم
2 hours ago · أعجبني · · إلغاء الاشتراك

عوض الكريم الطاهر
طال بينا البعاد من دار البكفيك شيه
والشوق والحنين للباوقه والمحميه
وبحر ابيض ضفاف ام جر هناكه بنيه
من خضره جروفنا شالت اللونيه
2 hours ago · أعجبني · · إلغاء الاشتراك

عوض الكريم الطاهر
الدنيا العبوس مابتلحقلها ميس
والرزق الحلال مقسوم موزع قيس
ياود التلوب ساعه الرجال فى الميس
بتنفض توب كرم منو الخلوق بتقيس
2 hours ago · أعجبني · · إلغاء الاشتراك

عوض الكريم الطاهر
كل ماقول انوم تقلبنى ليكى عيونى
كل ماقول اتوب من الغرام وجنونى
واهجر للبلد وارحل افارقو حنونى
اغلبنى الحنين للاسمر المفتونى
2 hours ago · أعجبني · · إلغاء الاشتراك

عوض الكريم الطاهر
طال بينا البعاد من الجروف والنيل
واذداد الحنين للفى جناينو بميل
يارب العباد عجل بعوده ليل
نصبح فى البلد ونفرح البضوى الليل
2 hours ago · أعجبني · · إلغاء الاشتراك

عوض الكريم الطاهر
هلا والله سمار البلد الفتق فى الجروف والنيل
هلاوالله بالاصيله الطاله حامله ثماره كالقنديل
بت عادل مرحب بيك حبابك فى ضفاف النيل
تدوم الصداقه ويبقى التواصل بينا قوى دليل
2 hours ago · أعجبني · · إلغاء الاشتراك

عوض الكريم الطاهر
صباح الخير على السودان
صباح السمره فى الوديان
صباح النيل على الخزان
صباح الغربه والاحزان
2 hours ago · أعجبني · · إلغاء الاشتراك

عوض الكريم الطاهر
كل صباح جديد انا حبى ليهو يذيد
للنيل والجروف الطيبه بالتحديد
فيهو جمال طبيعه مافى ليهو نديد
مكتمل الخصال سودانا ديمه فريد
3 hours ago · أعجبني · · إلغاء الاشتراك

عوض الكريم الطاهر
اودمسيخ انا وياك الظاهر مرضنا غريب
السهر العليك صايبى منو ا نصيب
الحارق حشاى وزايدنى فى التعذيب
اسمر لونو من بحر ابيض يطل ويغيب
3 hours ago · أعجبني · · إلغاء الاشتراك

عوض الكريم الطاهر
اسد فى الكتال حاشاكى مابتتنى
ودانه الاربجى الكلمه ترسم حنه
ود اسياد زمانو للعالى والبتمنى
تسلم يالهميم اياك الدخرى عليك املنى
3 hours ago · أعجبني · · إلغاء الاشتراك

عوض الكريم الطاهر
ناير الوجنتين الديسو كابى عمامه
شهانى الغميد عجل على الطامه
ضامر من وسط اسمر طويل القامه
مردوف الصدر نص يوما فى حمامه
3 hours ago · أعجبني · · إلغاء الاشتراك

عوض الكريم الطاهر
سماحه الديسه نازل للورك مبهول
سماحه من صيغره دقو ليها طبول
سماحه عند مغيب الشمس تضوى سهول
سماحه الحافظه للشرف بالعشق مكتول
3 hours ago · أعجبني · · إلغاء الاشتراك

عوض الكريم الطاهر
حباب ود الاصول المابسوى النيه
حباب اسد العرين لخصمو طابق الكيه
ستار العروض بزرع مع الفجريه
دايما للرفاق اكرم مراره وشيه
3 hours ago · أعجبني · · إلغاء الاشتراك
Ibrahim Elfatih‏ معجب بهذا.

نعم قودباى

نعم قودباى كلمات عوض الكريم الطاهر
نعم قودباى ياقطعه الانناس ياجنى الباباى
يانقطه عسل ممزوج بطعم الشاى يانبع السعاده وفرحه الهداى
ياوهج الشمس حين يرسم خطوط النور فى ضحى السماء البكاى
لمن نقطع مساحات العشم لنجما بعيد ضواى
يسمع بشر بنغمه ملاك يجسد الانسان يقول قودباى
ليه ياطريق تمتد تبعد فى خطاى من زول عزيز ساكن شراينى ودماى
من حب موطن فى الدواخل دايما يكون سعدى وهناى
قربك بكون نور العيون واملى وهواى
اعدك اقام المسحيل احسب حسابات الزمن وبلغ مناى
ونسرع نعجل فى الخطاء ونركب على موج الصعاب وابلغ خطاى
قودباى وداع لى زول حبيب عايش هواى
قودباى وداع لى طريق طويل عشناهوا حب بلسم اذاى
كلمات حنان طالعالى من فم الحبيب مودعا قودباى
من شخص عايش دنيتى وماليها من الريد معاى
كلمه امل لى يوم جديد عشمان اكون افضل جواى وخاتم اللقاء good bay
1-10-1998الخميس

عشم الوصول\_الدوحه\وطن\الى قمرى\تاركنى ليه

عشم الوصول
الموج بيحلم بالوصول والقيم بيحلم بالهطول
الضفة تحلم بالقبول هبت رياح ساقت الغيوم
ترزم ترن زى الطبول
والموجة خالفت الطريق والضفة منتظرة الرفيق
حلمانة فى عز الفصول والليل كساء النيل بالبريق
والنيل طمح عمق جراح كل الحقول
والمزنة ادملت الحريق والضفة ادمنت الرفيق
الموج هدء وصلوا الرحيق غامسنو فى عمق السيول
الجارفة طين الضفة للعمق السحيق والموج هدر والنيل دواخلو بدت تقول
لابد للموج من اصل لابدة من هذا القبول
والضفة فرحت بالرفيق والموج سلك هذا الطريق
والزهر فرهد فى الضفاف والنسمة اسعدت العشيق
والمزنة ارسلت الرزاز مزهولة بتبارك المثول
والكون مساهو صبح سعيد والقمراء بتلوح تقول
مبروك سعيد بيت الحلال وعشمنا والغاية الوصول
والموجة عانقت الضفاف والمزنة ذادت فى الهطول
الوصف اصبح لى صعب واللوحة صبحت من دهب
ودلونى كان اقدر وقول ودلونى كان اقدر اقول

***

الدوحة
الدوحة نظيفة الدوحة وريفة الدوحة سلام وامان وظيفة
الدوحة خليج وانسان ظريفة الدوحة اساس للعرب الزيفاء
انسانا اصيل فى الدوحة وريفة بنيات تحتية مدروسة حصيفة
صحة وتعليم ورياضة شريفة وفى الدفنة ابراج مبنية فخامة
وسبير انجاز يحسب لى همامة
قرارك سارى
قرارك سارى شيخ الحاج على بى فصولو غلطان فى الايصال مزقتة ليك اصولوا
الخلانى حزنان على الشهر لى حولوا فاكر نفسى مخلص فى العمل والقولوا
ما عارف الزمن بدل جميع معقولوا ياحليل البلد وكلمتنا حد السيف
ود اسياد زمانوا مابدينهوا فى العليف يكرم بى سخاء نيرانوا تهدى الضيف
وكت الحارة تعكل والخيول بتقيف بينزل فوق لهب لظى ويركز القيف
***
اليوم النفكر فيهوا حق الناس مابنسرق تفافة يتحدثوبا الناس
بنهبر فى التلوب ونضرب متين الساس وبنلاقى الضحى والسيف بلاقى الراس
خمسمائة ريال مابجرموبا اصيل من تركة الفراس وللايتام بندفع شايلة ما بخاس
والعارف حقيقتوا ما بهزوا البقولوا الناس احكم يافقير القصة تب خربانة
واخصم زى ماعاوز ضيعتة ليك امانة ومرضان الفواد مابعالجوهوا فى شفخانة
وان بدت الحرب غير مستغربة الجبخانة سالين الكريم رب العباد احجانة
وشمل بالستر وبرعايتوا يتولاناة نرجع للبلدسالمين وايدنا ملانة من عرق الجبين لا سرقة لا اه امانة

***
وطن فى الكون مثيلو عدم
وطن فى الكون مثيلو عدم وطن مليان عرب وزنوج يفرجوا الهم
وطن ممتده مليون ميل ونيل شاقيهو شريان دم
وطن بترولو فوق القيف وطن مليان قمح ونخيل وكل الدنيا تتعشم
شايل خيرو فوق اسموا تنوع وحده ملو مثيل منو البقدرنا يوم نتلم
***
وطن خيراتو مابتتعد دهب احمر دهب اسود فى مروى هناك سد انجاز معاهو الامة تتوحد
وفى الخرطوم ثلاث لاءات ترفرف وقمة العرب تشهد
ومشروع فى الجزيرة هناك يمين خيراتو مابتتعد
وفى بحر ابيض المعلوم سكر ماهو محتاج عد
واعبر لى جبل مرة **** فواكة ثروه طبيعة وروعة المشهد
ادخل غابة الابنوس ميرى وحوه احمد وجون وقصة وحدة مرتقبة
ونيلنا الازرق الدفاق اجلب الخير وهدى للخلوق غضبة
وفى ارض القضارف اقيف سمسم والقندول على القصبة
واسرح لى بطانة الخير كرم ورجالة وشعرا اسابق السيف على الرقبة
وعرج وامشى حتى القاش جبال توتيل محال سلبة
وفى شرق البلد معلم عثمان دقنة سيد حربة
وطن خيراتو مابتتعد *** وطن فرسانو مابتترد
قسم حرم وكت ماتحر نتلب ذى صقور الجو نركز الحد
زمان اجدادنا ماسوها فى غردون وسجلو اروع المشهد
ورثنا بسالة ملا مثيل وكرم وكت الجيوب تنقد
بندى اللقمة للجيعان وان كضبتة اسالو عننا الجيران يمين تشهد
بدور اكشف عن سر النجاح والعزة والمضجع عن عبوة بتدفع الدانة وتشق ماسورة المدفع
هى بت بلدى الاصيلة الجوهر البسطع بتابالعفاف مصيونةبتا فى الجمال مقطع
تلهب لى حماس فرسانة اركز ياعشاى بلدك ماتخليهو اتقطع
احفظوا ديمة بى عاداتو احفظوا ديمة بى الوانو احفظوا ورثوا الاجيال اكون اروع
الدوحة 2010










الى قمرى *** كلمات :عوض الكريم الطاهر مبارك
ارسل دايما شوقى الى قمرى اداعبة اراوقة اناجيه على صبرى
اعلمة معانى الحب واشدوهو على نهرى
الذى سربل سقى حقل الهوى العزرى وارشدك على نجمى المعزبنى وفى قلبى
الذى عشق الوتر بدرى قبل تطلع خطوط النور فى عمرى
هويتك ياملاك السعدوا فى قدرى لانى لم اجد فى سواك من يدرى
عن العشق الذى اعرفة وراح تدرى مع الايام ياقمرى
انا المقتول من نظرك خيول حرصك صهيلا حيرن امرى
قوام حسنك صبح همس الفتى الحضرى مزن الحزن فى عينيك مسربلة للصباح تجرى
انين قلبى وخيال طيفك ورياح مطرى توجهو لى ديار اهلك ابلغوليك عن خطرى
وياقمرى بعادك منى امسى محال ان تدرى ياريت من بكرة ترجع لى تعاود والامل يسرى
ونشكل كل معانى الريد وتصبحى زاهية فى بصرى
الخرطوم –النيلين-كلية القانون28-4-2003













تاركنى لية كلمات :عوض الكريم الطاهر مبارك
تاركنى ليه انا فى عذابى يامناى رغم انك انت عارف كل احساسى ومناى
تاركنى لية انا فى دموعى وكل اساى وشلته نور الدنيا كلو ورحت ياناكر هواى
قبل ماترحل تهاجر بدى اسال يوم ضميرك هل جريمه نحب بعضنا ولا ضيعنا الامانة
خليتنى رحتة فى زمانا مابيرحم رغم انك انت عارف الهوى بالجد بيحكم
ياريت تعاود لى ديارك والفواد لسع بيحلم والطريق التى فيهو كلومحفوف بالمخاطروجد ملغم
تاركنى لية
يالمعذبنى بمحاسنك وماكدارى والبعاد الجانى منك اصلو ماكان بختيارى
كنت عاوزك لى حبيب واحة فى عز الصحارى وتبقى جنة فى عيونى والرزاز لى كل خدارى










نجم المكتب *** كلمات :عوض الكريم الطاهر مبارك
اعمل وركز احرز اعلى عقود اكسب واربح وتربع فى القمة اسبوع
اكتب دون وسطر اسمك والكل بتزكر انجـــــــــــــازك
وافكارنا تغير كل واقعك واسمك فى سجلنا محفوظ
يابوراوفس مكتبنا اسبوع قبضك عالى وراسك مرفوع
وكلامنا معاك تلقاهو ودود ويامندوبنا بنهديك ورود
انت القايد لى مركبنا وراس القمة دوام مقصدنا
كل المكتب اقيف ويحيى فخر الشركة باعلى عقود
نحنا هدفنا نجاح الكل وكل مندوب نهديهو ورود
وعكس الواقع نحنا كمان بنحيى القائد قائد التسويق دايما هو الرائد

اهداف الشركه هذيمت الذات وترفيه عايلات ونجاح رحلات
عنوان الشركه هو الاجازات للسفر وسياحه عبر القارات
ومقرها الدايم هو الامارات وفروعنا معاك فى كل الاوقات
فى قلب السعوديه هناك فروع فى مصر وقطر هنا بالذات
اروع انجاز من الاجازات رحلات اسريه خلال ساعات
راحتكم دايما اهدافنا وفروع الشركه دوام جاهزات
وتطوف العالم من حولك وتسجل احلى اللحظات
18\12\2010 احتفالات الشركة بفتح مكتب قطر








اخر رساله 2001-8-23 للاستاذ عوض الكريم الطاهر
اخر رساله ولا كفى ياغاليه احسن نوصفاء
منك رساله مظرفه وصلتنى فى لحظه صفاء
هزت دواخلى با قتدار ومشاعرى صبحت راجفاء
عزرا حبيبتى انا لست غادرا ولا اهوى ايام الجفاء
عزرا حبيبتى وقد سقيتك من الحنان و الوفاء
وستعلمين عزيزتى ان الصدق فى داخلى اكتفاء
وستعلمين عزيزتى انى امين على المشاعر العاصفاء
اخر رساله وما كفاء ويا غاليه احسن نوصفاء
لو العوازل غيروك وجرحوا المحاسن والصفاء
واختارو ليك فرق الحبيب ونزيف جرح من غير شفاء
احسن توافقى على الشروط لى زول عطش خاف الجفاء
يلاك عجلى بالرحيل وبريق عيونك اختفاء
ما حرك احساس الامل والخطه دايما كاشفا ء
اخر رساله بلا امل ياغاليه منك ما كفاء
احسست ايضا بالرحيل لكن رايتك خايفاء
احسن اخليك تبتدى واكمل لحيظات الوفاء
غادرت وطنك ياعزيزه جبر اليمين يا عارفاء
ياريت تفيقى من المعاك وتكشفى الخاين الاختفاء
وتعودى لى وطنك عزيزه والحب دليلك وبالاخلاص متشرفاء
والسكه لسه مانتهت والقلب لسه ماكتفاء
الخميس-23-8-2001م






رسالتى اليك كلمات عوض الكريم الطاهر
ازف اليكى امالى واعبر ليكى شاطى النيل
اصل الشاطى فى المرسى واحكيلك وامر بالليل
اشيل الحزن ارميه على النهرى وافتح دفتر الامال
اسجل فيه كل احلامى ليكى براى واصبح طايرا مرتاح من الاوهام
اعيش الواقع المفعم واجاريه مع الايام
واقفز عالى من الهم وكون عايش على احلى نغم
اكون سارح مع الغزلان وتناسا الضجر والهم
ورغم الغربه والترحال اعزف بالكمان الحان بتترجم
اتابع فى العيون اخبار وعرف الحب واكون ولهان
بدورك تانى يا لسمحه تزيلى الهم توقفى ساعه التاريخ وتسبحى فى مجارى الدم

العشــــــــــق الخرافـــــــــــــى-قلبى رحل -الافق البعيد

بسم الله الرحمن الرحيم

للأستاذ:عوض الكريم الطاهر مبارك
العشــــــــــق الخرافـــــــــــــى
العيون الكلمنك علمنــــــــك *** قصة العشق الخرافــــــــــــى
والموانى الودعنــــــــــــــــك *** واقفة شامخة مع القوافـــــــى
والشرايين اشتهنـــــــــــك *** يا بريق كل المرافــــــــــــئ
والغصون الغازلنــــــــــــــك *** من شجر فى ارضنا مافــــــــى
والسحابات البكنـــــــــــــك *** دمعهن لجرحنا شافـــــــــــى
والاماسى الواعدنـــــــــــك *** انكسن بحزن ضفافـــــــــى
ودراسة القانون وفنـــــــــك *** كانت اروع عشق صافـــــــى
وابتدت ساعة حزناومااظنك *** يوم حترجى لضفافــــــــــى
والذكـريـــــــات لو راو ضنــــــــــــــــك *** وداعبنـــك لاتخافــــــــــــــــــــــــــــــــــــى
هدىروعك واطمانــــــــى حيسالنك *** عن بداية عشق خالد واكتشافـــــــى
لوردة فى ارض اليباب وفكـــــــرنك *** قلب طيب اصلو مابيعرف يجافــــــى
ذكريهن اذكــــــــــــــــــــرنك *** قصة العشق الخرافــــــــــــــــى
قبليهــــــــــــــــــــــــن اقبلنك
بطعم كاكاو اضافــــــــــــــــــــى
اطلبيهـــــــــــــــــــــــــن امنحنك *** فرصة فى الزمن الاضافــــــــــــــــى
ودعيهــــــــــــــــــــن اودعنك *** ياضفاف بحر القوافـــــــــــــــى
الخرطوم 14/4/2006
****
الافق البعيـــــــد

ياطالة في الأفق البعيد يامارة فى عمق المساء
مشروع حكاياتى السعيد عنوان خطاى قلب الاسى
ياعابرة فى عز الرياح ياجالسة فىالظل التليد اناوالعيون كنابنقول موجك رساء
لى الضفة ابدا مابعيد لوكأن هطل مطر الجنوب أكل الحشاء
وذدادهدير نيلنا العنيد والفرحة تصبح مدهشاء
ونقول اكيد كل الجروف مغمورة من النيل تزيد خيراتا تغسل للحزن الداخل سؤيداك نشاء
نمرح نغازل فى النجوم نلبس جديد نسرع نعجل فى الخطاء مابكرة عيد
ياريت اقابلك فى الصباح اوفى المساء
نجلس على الضفة واقول يالفى دواخلى ممتر ساء
انا فى رجاك صابر سنين وساكن بعيد
وديمة فى الافق البعيد القاكى ساكنة ولابساء
وحيات عيونك ماعيش من غيرك اليوم السعيد
طيفك معاى فى كل صباح نور وجنتيك زال القساء
ياومضة الفجر العنيد انا أية أكون لوكأن تركتك والنساء
حبك سكن جوه الفواد ساقيهو من دم الوريد
والوردة فى عز الصبا تثمر رحيقا منعشاء
والمزنة شالت فى الظلام والقمراءطلت من بعيد
راجيكى رغم المستحيل ياناعساء
تجدى الأمان جواى وطن وفارس رشيد ومناى ألقاك فى دماى يانساء
***
قلبى رحل 15\11\2005
اطلاء واشعل نار الشوق فى قلبى انا
وسراء الدم فى اوصال اوردتى حريقا ملسنا
وعاتبتو قلبى على بعد الثريا من هنا
ولكن قلبى قد تجاهل ما اقول ودونا
سكن الفواد مهاجرا ومواطنا
وتربع القلب الغريب فى ارضهم وستوطنا
يايها القمر الجميل يامبعث النور والهناء
ياعاشقين الليل هذا انا قلبى رحل هذا انا
اختار قلبى عشيقهو وتركنى التحف الدنا
ورايتهم يتعانقون ويغبلون فى بعضهم ويدندنا
والنور قد كما الفضاءباسرة والشعر كالليل نازل اغصنا
وعيونها كالنيذك القمرى تلالاءتشوقا لنا
والفم اروع ما يكون والجسم ايه من جمال السنسنا
والجيد معصوم والاساور محكمات الصنع وياحزننا
والوصف اجحف ما يكون فى حقة والصمت عنده قد يكون الاحسنا
ونسيم لقياهم اتانى اريجه شدو الرحال الى ديارا امنا
نفسى وعقلى ومهجتى هتفوا باسمه دون اذنى تيمنا
والعقل ضاع صوابة والقلب رافض ان يعود لموطنا
انا لن اساوم بالخداع والصدق باقى فى اصلنا
ياقلبى لا للمستحيل ارجع كفاية من العذاب ضيعتنا
وانا لن اساوم بالخداع والصدق باقى فى اصلنا

نجم المكتب

نجم المكتب

***

كلمات :عوض الكريم الطاهر مبارك

اعمل وركز احرز اعلى عقود

اكسب واربح وتربع فى القمة اسبوع

اكتب دون وسطر اسمك

والكل بتزكر انجـــــــــــــازك

وافكارنا تغير كل واقعك

واسمك فى سجلنا محفوظ

يابوراوفس مكتبنا اسبوع

قبضك عالى وراسك مرفوع

وكلامنا معاك تلقاهو ودود

ويامندوبنا بنهديك ورود

انت القايد لى مركبنا

وراس القمة دوام مقصدنا

كل المكتب اقيف ويحيى

فخر الشركة باعلى عقود

نحنا هدفنا نجاح الكل

وكل مندوب نهديهو ورود

وعكس الواقع نحنا كمان بنحيى القائد

قائد التسويق دايما هو الرائد

اهداف الشركه هذيمت الذات

وترفيه عايلات ونجاح رحلات

عنوان الشركه هو الاجازات

للسفر وسياحه عبر القارات

ومقرها الدايم هو الامارات

وفروعنا معاك فى كل الاوقات

فى قلب السعوديه هناك فروع

فى مصر وقطر هنا بالذات

اروع انجاز من الاجازات

رحلات اسريه خلال ساعات

راحتكم دايما اهدافنا

وفروع الشركه دوام جاهزات

وتطوف العالم من حولك

وتسجل احلى اللحظات

18\12\2010 احتفالات الشركة بفتح مكتب قطر