نجم المكتب

نجم المكتب

***

كلمات :عوض الكريم الطاهر مبارك

اعمل وركز احرز اعلى عقود

اكسب واربح وتربع فى القمة اسبوع

اكتب دون وسطر اسمك

والكل بتزكر انجـــــــــــــازك

وافكارنا تغير كل واقعك

واسمك فى سجلنا محفوظ

يابوراوفس مكتبنا اسبوع

قبضك عالى وراسك مرفوع

وكلامنا معاك تلقاهو ودود

ويامندوبنا بنهديك ورود

انت القايد لى مركبنا

وراس القمة دوام مقصدنا

كل المكتب اقيف ويحيى

فخر الشركة باعلى عقود

نحنا هدفنا نجاح الكل

وكل مندوب نهديهو ورود

وعكس الواقع نحنا كمان بنحيى القائد

قائد التسويق دايما هو الرائد

اهداف الشركه هذيمت الذات

وترفيه عايلات ونجاح رحلات

عنوان الشركه هو الاجازات

للسفر وسياحه عبر القارات

ومقرها الدايم هو الامارات

وفروعنا معاك فى كل الاوقات

فى قلب السعوديه هناك فروع

فى مصر وقطر هنا بالذات

اروع انجاز من الاجازات

رحلات اسريه خلال ساعات

راحتكم دايما اهدافنا

وفروع الشركه دوام جاهزات

وتطوف العالم من حولك

وتسجل احلى اللحظات

18\12\2010 احتفالات الشركة بفتح مكتب قطر

مجادعات على الفيس بوك

عوض الكريم الطاهر
سلام اهلى العزاز انشاءالله حالكم زين
17 يوليو، الساعة 03:42 مساءً‏ · · أعجبني · تعليق
المبروكة بت المك حبابك يا الملك طيبين رايقين مبسوطين
17 يوليو، الساعة 03:43 مساءً‏ · أعجبني
عوض الكريم الطاهر بت المك سلام يابت عزاز القوم سلام يالاصيلة مبتعرف اللوم
تفخر بيك دار جعل من شندى الى الخرطوم
17 يوليو، الساعة 03:46 مساءً‏ · أعجبني
المبروكة بت المك بتار الرقاب العاصية مافي متيلك
حلال المصايب وديمه وازن كيلك
كتاح التراب المابتقتل حيلك
اياك سيد البلد والديمه سابق خيلك
17 يوليو، الساعة 03:51 مساءً‏ · أعجبني
عوض الكريم الطاهر بت بنات جعل ست الحسان فى زمانا
وبت المك ست ستهن الفايته فى ميزانا
عقلك فى البنات معدوم يالرافعة تاج تيجانا
17 يوليو، الساعة 04:02 مساءً‏ · أعجبني
المبروكة بت المك هاك مني الحديث ماني البنيه النيه
وبي توب العفاف انا من خلق مكسيه
من تحت الجبل قسما قنصت حديه
وان درت الاسد بضبح بقدمو شيه
17 يوليو، الساعة 04:05 مساءً‏ · أعجبني
عوض الكريم الطاهر النيى ماهو هولك يابت خيرت الفراس والعز والعفاف وارساهو باقى اساس
قنيص العرب من ميزة كرام الناس والاسد الجسور والدك متين الساس
17 يوليو، الساعة 04:25 مساءً‏ · أعجبني
المبروكة بت المك هندام الكلام المابتسوي الشينه
طعان الضباع سكينه ماتنه سنينه
روحك للضعيف حكامه راحمه حنينه
آسراني الفراسه المن صباك دفينه
17 يوليو، الساعة 04:27 مساءً‏ · أعجبني
عوض الكريم الطاهر الشين ماهو هولى بت المك عزيزت القوم
وسكين الكرم ماساكنة فى الخرطوم
راشايت الضعيف فى يوم غبورا وشوم
تسلمى يازوق الشمال والبادية والخرطوم
17 يوليو، الساعة 04:36 مساءً‏ · أعجبني
المبروكة بت المك بت المك سراج تهديك الف تحيه
ومن بربر اصل كلي احترام محنيه
الضدك يقيف الرقبه ليهو الويه
قاصده الكلام بت اب جذور جعليه
17 يوليو، الساعة 04:40 مساءً‏ · أعجبني
عوض الكريم الطاهر اسف جدا الشفل ضاغط شوى
17 يوليو، الساعة 05:21 مساءً‏ · أعجبني
المبروكة بت المك ولا يهمك عادي متى ماتفضى رسل ونحنا بالمرصاد
17 يوليو، الساعة 05:23 مساءً‏ · أعجبني
عوض الكريم الطاهر من دوحة العرب بهديك الف سلام
والجعلى الاصيل من بحر ابيض الكزام
مشاعل العلم بخت الرضا الاسلام
قويز الجعليين فى ام جر دى حى تمام
واصلى من المحمية يابت العزاز وكرام
17 يوليو، الساعة 05:29 مساءً‏ · أعجبني
المبروكة بت المك يامراحب وحبابك والله
17 يوليو، الساعة 05:31 مساءً‏ · أعجبني
عوض الكريم الطاهر تسلمى يازوق مرحب بالبلد اسيادو اهل العز
الخيل التجقلب فى محافلو تهز
ابشرو بالسلام جينا ونحاسنا يرز
17 يوليو، الساعة 05:53 مساءً‏ · أعجبني
المبروكة بت المك ماتخليني اقوم اعرض العرض للرجال
17 يوليو، الساعة 05:57 مساءً‏ · أعجبني
المبروكة بت المك حبابك يا الياسر في دارو وبت المك سراج كتبت عليك مسداره
عزيزه نفسك عالي فوق مقداره
ملك القوافي ماسكه الشعر بجداره
ومك المكوك وكتين تفوت فالداره
17 يوليو، الساعة 06:08 مساءً‏ · أعجبني
عوض الكريم الطاهر الترحيب بالضيوف وارساهو من ابواتك
ومسدار الشكر وهبوهو ليك خالاتك
ديون الكرم مفتوح دوام للضيف اصل اماتك
17 يوليو، الساعة 06:21 مساءً‏ · أعجبني
المبروكة بت المك راكز مرق حاشاك يوم تتنا
يادود الاصم كل البنات تتمنا
عنيك ياصقر اللرقاب تكنا
اهواه عديل وانا عندي ساو جنا
17 يوليو، الساعة 06:27 مساءً‏ · أعجبني
عوض الكريم الطاهر وصلتة البيت شربت القهوة دوام شغلى ماكملتو بقيت فى سهوة
الصابر على الاذى والمشاكل تهوى فوق راسو هميم سيد نخوة
17 يوليو، الساعة 07:00 مساءً‏ · أعجبني
المبروكة بت المك قاليالي بن خاته المزاج فالعالي
عازماكم تعالو الجبنه قاعده قبالي
جايبه البلح مدو الادين طوالي
بالقليل العندي بستر جميع احوالي
17 يوليو، الساعة 07:07 مساءً‏ · أعجبني
عوض الكريم الطاهر بت المك جبنتك عندى غالية شديد
والجود والكرم وارساهو مجد تليد
والبلح اللذيذ من الشمال هو مفيد
والنخل الطوال واقف هناك صنديد
والعندك اكفى القوم وعليها يذيد
17 يوليو، الساعة 07:14 مساءً‏ · أعجبني

الافق البعيـــــــد

ياطالة في الأفق البعيد يامارة فى عمق المساء
مشروع حكاياتى السعيد عنوان خطاى قلب الاسى
ياعابرة فى عز الرياح ياجالسة فىالظل التليد اناوالعيون كنابنقول موجك رساء
لى الضفة ابدا مابعيد لوكأن هطل مطر الجنوب أكل الحشاء
وذدادهدير نيلنا العنيد والفرحة تصبح مدهشاء
ونقول اكيد كل الجروف مغمورة من النيل تزيد خيراتا تغسل للحزن الداخل سؤيداك نشاء
نمرح نغازل فى النجوم نلبس جديد نسرع نعجل فى الخطاء مابكرة عيد
ياريت اقابلك فى الصباح اوفى المساء
نجلس على الضفة واقول يالفى دواخلى ممتر ساء
انا فى رجاك صابر سنين وساكن بعيد
وديمة فى الافق البعيد القاكى ساكنة ولابساء
وحيات عيونك ماعيش من غيرك اليوم السعيد
طيفك معاى فى كل صباح نور وجنتيك زال القساء
ياومضة الفجر العنيد انا أية أكون لوكأن تركتك والنساء
حبك سكن جوه الفواد ساقيهو من دم الوريد
والوردة فى عز الصبا تثمر رحيقا منعشاء
والمزنة شالت فى الظلام والقمراءطلت من بعيد
راجيكى رغم المستحيل ياناعساء
تجدى الأمان جواىوطن وفارس رشيد ومناى ألقاك فى دماى يانساء
***